Həndbol üzrə XXV Azərbaycan çempionatında 10 komanda mübarizə aparacaq

Bu gün həndbol üzrə növbəti ölkə çempionatına start veriləcək. Budəfəki yarışlarda 10 komanda qələbə uğrunda mübarizə aparacaq.

Kişilərin çempionatında “Bakı”, “RİOEUGİM” , “Təhsil”, “Məhsul”, qadın həndbolçuların yarışında isə “Azəryol”, ”Azərsu”, “İdman Akademiyası”, “Gənclər Birliyi”, “Qarabağ” və “Nur” komandaları çıxış edəcək.

Açılış matçında “Bakı” və “Məhsul” klubları üz-üzə gələcək. Ardınca “Qarabağ”la “Azəryol” münasibətləri aydınlaşdıracaq.

Saat 17:00-da ölkə çempionatının açılış mərasimi olacaq. İlk oyun gününü isə “Azərsu”  – “Nur” görüşü tamamlayacaq.